ØKT POPULARITET: – I Kulturminnefondet gler vi oss over at tradisjonshandverkaren no eksploderer i popularitet, skriver direktør Simen Bjørgen i Kulturminnefondet i denne kronikken. Arkivfoto: Nils Kåre Nesvold

– Tradisjonshandverkaren er «limet» i bygningsvernet

Når kulturarven vår skal takast vare på, gjev det grobotn for auka aktivitet på mange område i samfunnet vårt. Av dei aller viktigaste er stor etterspørsel etter handverkarar med kunnskap om å vøla gamle bygningar.

Simen Bjørgen Simen Bjørgen

Publisert 13.06.2022 - 11:30 Sist oppdatert 13.06.2022 - 11:30

Denne artikkelen er to år eller eldre. Noen opplysninger kan være utdaterte.

I Kulturminnefondet gler vi oss over at tradisjonshandverkaren no eksploderer i popularitet.

For det er stor vekst blant dei som vil ta vare på bygningar som alt er bygd. Søknadsmengda til Kulturminnefondet har aldri vore større.

Når så mykje skal setjast i stand, er handverkaren ein avgjerande faktor, som skapar lokale ringverknader, kunnskapsbygging og resultat. Dette kan vi i Kulturminnefondet slå fast etter å ha støtta over 7500 små og store istandsettingsprosjekt over heile landet.